مميزات وعيوب البورسلين والفرق بين البورسلين والسيراميك 

البورسلين: 

1- اي بلاطه بورسلين هي عبارة عن عجينة واحدة ، ووشها زي ضهرها ، كل اللي في الموضوع الوش واخد طبقة من الجليز واصبحت بتلمع ، لكن الظهر لم ياخذ شئ ، ولكن هي نفس الخامه والعجينة واحدة . 

2-  البلاطة البورسلين مصنوعه من عجينه واحده فمن الممكن اعمل منها مقاسات كبيرة، والبورسلين اشد صلابه  من السيراميك . 

3- أغلب البورسلين اللي موجود في السوق حاليا يسمي (بليزر cut)وهو عبارة عن بلاطة مقطوعة  عن طريق الليزر ، ولذلك البورسلين هتلاقية مقطوع بدقة فائقة وكل زوايا القطع هتلاقيها قائمة ومظبوطه ، ولذلك لو قمت بوضع 2 بلاطه من بورسلين بجوار بعض مش هتلاقي بينهم لحام وهذا من مميزات البورسلين ، لانك لما تقوم بتركيبه بيظهر مثل القطعة الواحدة .

كيفية تركيب البورسلين : 

 المشكلة اللي بتظهر عند تركيب البورسلين هي ان ظهره ناعم  ، ودا بيجعل تماسكه مع  المونه الاسمنت ضعيف ، ودا اللي بيجعل البورسلين بعد مده زمنيه من تركيبة يفك ، كما ان البورسلين  مقطوع ليزر ولايوجد لحام بين البلاطه وال ، فعند التمدد بتفك البلاطة من المونه ، وايضا البورسلين من الاشياء اللي تتاثر بالتمدد الحراري لانها لها تمدد حراري عالي ، فالطريقة الصحيحة لتركيب البورسلين بمادة لزق جاهزة .

الطريقة الصحيحة لتركيب البورسلين :

 1- في الاول طلع البروسلين من الكرتونه وضعه على ظهره علي الارض ، وقم بدهنه بمادة لزق جاهزة مدعمة بـ أديبوند ، وبعد ذلك جيب حاجه زي الشوكة الكبيرة كدا واخربش علي الظهر .

 2- تجيب شوية رمل وتقوم برشه علي ضهر البورسلين ، وتتركه لمدة 24 ساعه ، كدا ظهر البورسلين اتخشن واطمنت  انه لما اضع عليه مادة الزق هيمسك في بعضه كويس .

أنواع البورسلين: 

اول نوع وهو البروسلين الصيني : ودا لا انصحك انك تجيبه علشان غير مطابق للمواصفات العالمية .

 ثاني نوع وهوالاماراتي ويوجد ايضا بروسلين هندي والبروسلين الهندي ارخص من الامراتي من الثمن .

ثالث نوع الاسباني : ودا أحسن حاجه موجودة ،  الحالات اللي بلزق بيها البلاطه بمادة لزق جاهزه لو كانت البلاطة االي معك دي بلاطة بورسلين ، ولا يمكن تستخدم مادة لزق جاهزة علي الرمل مباشرة لازم اقوم بعمل طبقه اولا لكي اسس تحتها الأول ، وده ايضا ينطبق لو انت هتحط بورسلين علي الحائط ، كما ان لو عندك بلاطة سيراميك ومقاسها كبير وخصوصا لو هتتلزق علي الحوائط ، ولو كانت البلاطة اللي عندك صغيرة جدا ومش عارف تظبطها بالمونه.

ازاي نستلم السيراميك أو البورسلين :

 1- وانت طالع تستلم السيراميك لازم تراجع علي مخارج السباكة .

 2- تتمم علي علاقه السيراميكه بالشرب .

 3- تتمم علي سلامة البلاطة .

4- تتمم ان كل السيراميك بحالة جيدة لا يوجد به شروخ .

 5- تتمم ان السيراميك مش مسنن او محرف .

 6- أستلم ميول الحمامات عن طريق الاده والميزان او قم بثقب جردل من المياه لكي يتضح لك الميول .

7- قم بوضع الزاويه المعدن بين الوزره وبين الارض علشان تتمم انها في وضع راسي . 

8- تتمم علي الأفقية عن طريق الادة والميزان . 

9- أبص علي السقية وأتاكد إنها مكويه ومفهاش تسويس .

10- تتمم علي ان كل البلاط مش مطبل ، ولما تروح تشوف البلاطه اذا كانت مطبله ولا لا، تشوفها من جمب البلاطة ، مش من نصها لان كل البلاط بصفه عامه بيطبل من الجناب .